我個第一個清明夢？

早浪向，懶覺，起來，上廁所，回來，心裡默念：“迭是清明夢，迭是清明夢，迭是清明夢……”，躺倒床浪向，閉眼，大約一秒鐘後，眼前出現一幅清晰個圖像，腳下土地，左邊似乎還有一條路，遠處約幾十米（三四十米往裡），象煞有部大卡車（記勿清爽勒），天浪向藍天白雲，光線邪氣明亮，我勒心裡喊：“迭就是清明夢，迭就是清明夢，迭就是清明夢”，但是沒幾秒鐘，畫面變咖啡色，然後就黑了，再後來，象煞醒了……

八月十一號又及：螞蟻講我確實是清明夢，並且，是用勒一種叫“夢屏法”個方法入夢個，哈哈，勿錯，蠻好 ……

桑拿夜

今朝天气特别热，早狼向最低气温都有31.5度。我啊度过了一个桑拿夜，因为昨日夜到11点多，电表个空气总开关坏脱勒，因过热频繁跳闸，为了维持冰箱运转，只好关闭了空调及其他所有电器，只开一只小电风扇，一个真正的桑拿夜，没想到啊～～

牙齒痛

六月廿一號去鼐左面個盡根牙拔特勒，因為鼐前頭個大牙頂松頂壞特了，大牙酸痛，沒辦法只好拔了。大牙留勿留得老還要看勒。上個禮拜開始，原來基本恢復個拔牙個地方突然又開始痛起來勒，屋裡廂沒止痛藥，前天痛個辰光吃勒粒克感敏止痛，昨日夜到吃勒粒泰諾止痛，現在又開始隱隱作痛，今朝沒空去看醫生，明朝一定要去看勒，吃勿消勒。

清明夢

原來還有專門訓練清明夢個，呵呵，我啊開始練勒～

靈擺

迭兩天勿曉得哪能白相（siaen)起勒靈擺，去伊美時尚個繽紛世界買勒祇，五十塊大洋。一看就是蹩腳（ciaq)貨，我一個窮人，有祇白相相蠻好勒。網浪頭看勒交關靈擺個文章，象煞大家儕鼐靈擺當寵物養個以講。